أنواع الشباب عند الاشارة..
النوع الاول:
وهو الذي يستغل وقته ويرتب سيارتة ويفتح دروج سيارته ويعفط فالفواتير ويرميها فالشارع وفجأه ما تدري إلا وهو ناقز فالمرتبه اللي ورا يرتبها..ولا تستغرب إذا شفته ناط في شنطه السيارة (الرجال مرتب)وتنفتح الاشارة والاخ مشغول فالتنظيف..
النوع الثاني :
وهو اللي تقول ان وجهه توه محتاج تنظيف ويسحب فالمنديل وعلى خشمه واذا خلص طفى السيارة علشان ينظف اذنة بالمفتاح وشوي ويقص اظافر يده وما تدري الا وهو مرفع رجله ويقص اظافر رجله هذا اذا كان معاه مقص اظافر وإلا ما عنده مشكله يقصها باسنانه(قممممه النظافة)!!!
النوع الثالث :
وهو اكثر واحد يفرح اذا وقف عند الاشارة علشان يبدا يستعرض ويرقص ويردح هوو واخوياه(صحابه)ويرقصون السيارة معهم !! "الله يهديهم ويصلح قلوبهم"قولوا آآمين..
النوع الرابع :
وهواللي توه مكتشف انه اب وما تسمع غير هواشه على بزرانة(عياله-اطفاله)اللي مالين السيارة وما تدري الا وهو ساحب العقال ومخرب التشخيصة(يستعمل اساليب التربية الحديثة)ويرجمهم بكرتون المناديل اللي ماليه سيارته والفضل يعود لمحطة البنزين لو تمر جنبهم عطوكـ منديل هديه!!
النوع الخامس :
وهو اللي يستغل الوقت ويجلس يشَخص ويرش عطر وشوي لا يحط روج وعلق الايرفون في اذنة ومشغل شريط(سيلين ديون)مسوي جو اجنبي!!!
النوع السادس :
وهو اللي اذا شفته ترحمه وتقول ميت من الجوع وتشك انه جالس فمطعم مو فسيارة ..الرجال ماسك الهمبرجر بيد والببسي والبطاطس بيد والشورما فحضنه والفطاير جنبه والبيزا فالمرتبة اللي وراه ولا تستغرب لو شفتة داب فمطفح!!
النوع السابع :
وهو اللي تحس انه ما عندة وقت ابد ودايم بزي ولابس نظارة وخاتم ومبحلق بالجريدة ومسوي زحمة فالشارع واللي جنبه بالسيارة طفشااان(زهئان-ملان) مرة ..ومشتغل مسجات بالجوال!!
النوع الثامن :
وهو اللي سيارتة زحمة - مو ناس – لا ما خلى ثوب ولا شماغ ولا بدله ولا جزمة حتى الشراب الا ومركبها {اكرمكم الله}معه عشان يكون تبديل الملابس اسرع عند الاشارة حتى البطانية جايبه وماخذها معاه تعرفون الجو متقلب!!
النوع التاسع :
يناظر قدام وهو يسوق ولا يسرعون اذا شاف الاشارة خضرااااااااء واذا شاف ظلال يوقف عنة واذا شاف الاشارة برتقالييييه يهدي ويوقف ولا يلتفت لا يمين ولا يسار ولا ينشغل فجواله ..وكل واحد يقولنا:الصراحة هو من أي نـــــــــــــــوع؟؟
وانتوا يا شباااب من أي نوع؟؟ .........عاد لا ييجي الواحد منكم ويكتب انه احسسسسن واحد ولا نوع من هاذول!! عن الشواته الزايدة ههه
ناطرة ردودكم يشباب ويصباياااااا.....