ودي امووووت اليوم واعيش باااااااااااااااااااجر..

ودي اموت اليوم واعيش باجر
ودي اموت اليوم واعش باجر
واشوف من هو بعد موتي فقدني
ومنهو حملني لين ذيكـ المقابر
واشكر انا كل من كرمني ودفني
وبشوف يرثيني انا كم شاعر
ومنهو تركني وما كتب شي عني
شخص تغالى مع انة مسافر
وشخص قريب وانا ميت طعني
وشخص يمثل دمعتة ماهو قادر
وشخص تطيـح دموعة كل ما ذكرني
ومنهو من اهلي العزا كان حاضر
ومنهو دعالي في صلاته ورحمني
ومنهو بنا باسمي سبيل ومنابر
ومنهو يفــز قلبه الى من لمحني
ومنهو عشاني طول الايام ساهر
ومنهو ثلاث ايام راح وتركني
ومنهو يرتب غرفتي والدفاتر
وان شاف صورة لـي مات وحضني
يلا عسى ما تخفى كل المشاعر
ويلا عسا ما ينــــصـــدم يوم ظني
خايف يروح العمر واكون خاسر
وان طار طيري ما يفيد التمني
وخايف يجيني وقت اكسر خواطر
ان دارت الايام وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت اضحك يهددني حزني
الضيق وافي والحزن حيــل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني يا حزني آمر
مسكيــن فرحي تصدق انه وحشني
شاعر.....ولكني ماني بشاعر
ودي اموت اليوم وارتاح مني
.؟.؟.؟.؟.؟.؟.؟.؟.؟.؟.؟.؟.؟.؟.